Mae'r Senedd wedi rhoi'r prif gyfrifoldeb dros gynllunio i'r awdurdodau cynllunio lleol. Os oes gennych unrhyw gwestiynau am achos penodol, y peth cyntaf i'w wneud yw holi adran gynllunio eich cyngor lleol. Hwyrach y gallwch ddarganfod mwy am y deddfau cynllunio yn eich llyfrgell leol.

Os ydych yn gofidio am broblem gyfreithiol sy'n ymwneud â chynllunio, hwyrach y bydd rhaid i chi gael cyngor proffesiynol neu ofyn i'ch Canolfan Gynghori leol.

Gofalwch! Os bwriwch chi ymlaen gyda’r datblygiad heb y caniatâd angenrheidiol, gall y awdurdod lleol dros eich ardal ofyn i chi wneud cais cynllunio adolygol.

Os bydd yn penderfynu na ddylid rhoi caniatâd efallai y bydd yn mynnu eich bod yn adfer pethau i’r hyn oeddent yn flaenorol. Gallwch apelio ond os bydd y dyfarniad yn eich erbyn a chithau’n dal i wrthod cydymffurfio mae’n bosibl y cewch eich erlyn.